英國運輸部紀錄片：1979 年的單車道路設計
有完全分隔嘅「單車徑」當然係最好，但方便嘅單車行程，唔可能完全避開車路。
戰後英國嘅新市鎮 (例如 Peterborough、Stevenage)，大多在汽車道路以外附設單車徑網絡。這種設計模式，不久後也被香港採用，成為沙田、大埔等新市鎮的藍本。然而，在七十年代中期，單車使用人次 (以及意外率) 開始攀升，政府意識到完全分隔嘅單車規劃模式，始終無法滿足單車使用者嘅真正需求。
所以，在四十多年前，英國運輸部發表第一份有關市區單車道路嘅設計指引 (Local Transport Note 1/78: Ways of helping cyclists in built-up areas)，協助地方政府規劃市區單車路網、改造現有道路設計，為踩單車嘅人提供較可靠同安全嘅設施。
片中提及嘅基本改善措施，例如在單程路提供逆向單車專線 (contraflow lane)、容許單車直接橫過馬路，以及禁止機動車輛駛入某些道路，至今依然適用，卻從未在香港出現。也有一些現時仍被視為前衛嘅設計，包括單車右轉支路、在交通燈路口設置單車專用時相 (cycle scramble phase) 等等。
這些設計，就是接納一個現實：踩單車同揸車一樣，都只係想盡快由 A 去到 B。有完全分隔嘅「單車徑」當然係最好，但方便嘅單車行程，唔可能完全避開車路。所以，車路亦必須設有相應嘅設計，保護踩單車嘅人。
p.s.
於 1978 年制訂嘅 Local Transport Note (LTN) 1/78，仍然係香港運輸署《運輸規劃及設計手冊》所參考嘅文件。內容當然無提上述嘅措施，只參考分隔式單車徑嘅設計標準。而呢份文件 LTN 1/78，過去已經改左版四次有多。今年最新嘅 LTN 1/20，設計思維同標準已經係接近荷蘭、丹麥嘅水平。而香港，仲停留喺 1978 年。
紀錄片：Free Wheeling (1979), produced for the Department of Transport by United Motion Pictures, https://bit.ly/2TpEyGY
